Wol mich der sinne

Wol mich der sinne·
die mir ie gerieten die lere·
dc ich si minne·
ie langer vnd ie mere·
das ich ir ere
reht als ein wunder
besvnder
so sere·
minne vnd meine·
si reine·
si selig si here·

Min hende ich valde·
mit trúwen al gernde vf ir fuͤsse·
dasse als ýsalde·
tristranden mich troͤsten mvͤsse·
vnd also gruͤsse·
dc si gebere·
min swere·
mir buͤsse·
vnd si mih scheide·
von leide·
si liebú si svͤsse·