Wer geſach den wint̾ ie
alſo langē· vnzergangē·
al min blāgē· nie vervie·
dē hat ſvm̾ ſigehaft·
Vb̾ wundē· an dē ſtūdē·
er hat fvndē· ſine kraft·
walt vn̄ ǒwe· ſīt nach růme
wol bekleit·
ī dē tǒwe manig blv̊me
ſtet geſpꝛeit·
ang̾ heide die ſint beide·
94v mit ir kleide· vil gemeit·
Suͤſſer grůs· tete bůs·
in ir vil ſchꝛike· ſit ich dike·
lieblich blike· midē mv̊s·
Froͤit úch froͤit úch iung vn̄ alt·
ſwem dú mīne laſſe ſinne·
der gewīne· ſi er balt·
niem̾ wirde ich rehte frô·
ſit ir ſtrale mir die quale·
zallē male· fuͤget ſo·
ach ich toꝛe· wie ſi toͤꝛet
ſīne min·
ſit ir oꝛe· niht enhoͤꝛet
minē pin·
vō dē m̾e· mv̊s mī ſw̾e·
ſúfte b̾e leider ſin·
Suͤſſer grůs· tete bůs·
in ir vil ſchꝛike· ſit ich dike·
lieblich blike· midē mv̊s·
Ich han dike froͤlich doch·
bi dē ivngē· her geſvngē·
vngelvngē· iſt mir noh·
des bī ich an froͤidē tot·
vō ir ſchuldē· nach d̾ hulden·
ich mv̊s duldē· ſende not·
ach wie cleine mich v̾uahet·
ſwas ich ſage·
ſit dú reine mich v̾ſmahet
alle tage·
ſin enwēde· vn̄ ſwēde·
mir vol ende mine klage·
Suͤſſer grůs· tete bůs·
in ir vil ſchꝛike· ſit ich dike·
lieblich blike· midē mv̊s·
Mīnecliche ſchoͤne gar·
iſt mī frowe· liehter ſchǒwe·
ſam ī tǒwe roſen var·
ir gebarē tůt mir wol·
ſwie ir guͤte· mī gemvͤte·
ſoꝛgē fluͤte machet vol·
ach ich tumb̾ wie mir m̾et
ſende not·
ſit mī kvmb̾ mih v̾ſeret
vf dē tot·
ī der wiſe wirde ich griſe·
ſit ich pꝛiſe· ir múndel rot·
Suͤſſˢ grůſ·