Uil svͤssú senftú toͤterinne·
war vmbe went ir toͤten mir den lip·
vnd ich úch so herzeklichen minne·
zwar frowe· fúr ellú wib·
wenent ir ob ir mich toͤtent·
dc ich úch iemer mer beschǒwe·
nein úwer minne hat mich des ernoͤtet·
dc úwer sele ist miner sele frowe·
sol mir hie niht gůt geschehen
von úwerm werden libe·
so mv̊s min sele ú des veriehen
dc úwerre sele dienet dort als einem reinen wibe·