Uil ſvͤſſú ſenftú toͤterinne·
war vmbe went ir toͤten mir den lip·
vn̄ ich úch ſo h̾zeklichē mīne·
zwar frowe· fúr ellú wib·
wenēt ir ob ir mich toͤtent·
dc ich úch iem̾ mer beſchǒwe·
nein úwer mīne hat mich deſ ernoͤtet·
dc úwer ſele iſt miner ſele frowe·
ſol mir hie niht gůt geſchehē
vō úwerm w̾dē libe·
ſo mv̊ſ min ſele ú deſ v̾iehen
dc úwerre ſele dienet doꝛt alſ einem reinē wibe·