Vns iſt zergangē·
der lieblich ſvm̾·
da man bꝛach blůmē da lit nv der ſne·
mich mv̊s belangē·
wēne ſi minē kvmb̾·
welle vol enden· der mir tv̊t ſo we·
ia klage ich niht den kle·
ſwēne ich gedenke an ir wiblichē wēgel
dú man zefroͤide ſo gerne ane ſe·
Seht an ir ǒgen·
vn̄ merkent ir kinne·
ſeht an ir kele wis vn̄ pꝛuͤuēt ir mvnt·
ſi iſt ane lǒgē·
geſtalt ſam dú mīne·
mir wart vō frowē ſo liebes nie kvnt·
ia hat ſi mich v̾wunt·
ſere in dē tot· ich v̾lúſe die ſinne·
genade ein kúniginne dú tů mich geſvnt·
Die ich mit geſange·
hie pꝛiſe vnde kroͤne·
an die hat got ſinē wunſch wol geleit·
in geſach nv lange
nie bilde alſo ſchoͤne·
als iſt min frowe des bin ich gemeit·
mich froͤit ir werdekeit·
bas danne der meie vn̄ alle ſin doͤne
die die vogel ſingent dc ſi iv geſeit·