Swer ze der minne ist so frůt·
das er der minne dienen kan·
vnd er dvrch minne pine tv̊t·
wol im derst ein selig man·
von minne kvmt vns alles gv̊t·
dú minne machet reinen mv̊t·
was sold ich svnder minne dan·
Ich minne die schonen svnder dank·
ich weis wol ir minne ist clar·
ob miniv minne ist kranc·
so wirt ǒch niemer minne war·
ich sage ir miner minne dank·
bi ir minne stat minisank·
erst tvmb swers niht gelǒbet gar·