Swer ze der minne iſt ſo frůt·
das er der minne dienen kan·
vn̄ er dvrch minne pine tv̊t·
wol im derſt ein ſelig man·
vō minne kvmt vns alles gv̊t·
dú minne machet reinen mv̊t·
was ſold ich ſvnder minne dan·
Jch minne die ſchonen ſvnder dank·
ich weis wol ir minne iſt clar·
ob miniv minne iſt kranc·
ſo wirt ǒch niemer mīne war·
ich ſage ir miner minne dank·
bi ir minne ſtat miniſank·
erſt tvmb ſwers niht gelǒbet gar·