Swenne dú zit alſo geſtat·
dc vns koment beidú blůmen vn̄ gras·
ſo mag 32r ſin alles w̾den rat·
da von min herze trurig was·
des froͤwent ſich dú vogellin·
wurde iemer ſvmer als ê·
lat die welt mir eigen ſin·
mir tet ê· doch der winter we·
Dvr ſinen willen ob er wil·
tv̊n ich einſ vn̄ anders niht·
des ſelben mag in dvnken vil·
dc nieman in ſo gerne ſiht·
ich wil behalten minen lip·
ich han vil wol genomē war·
dc dike werdent ſchoͤnv́ wib·
von ſolkem leide miſſe var·