Si ist so gv̊t vnd ǒch so schoͤne·
die ich nv lange han gelobt·
solt ich ze rome tragen die crone·
ich sastes vf ir hopt·
maniger spreche seht er tobt·
got gebe das si mir lone·
wan ich tete ich weis wol wie·
lebt si noch als ich si lie·
so ist si dort vnd bin ich hie·
Si tet mir dos mir sin gvnde·
vil zeliebe vnd ouch zegv̊te·
das ich noch zeteslicher 31v stvnde·
singe so mir sin wirt ze mv̊te·
sid ich sach das si die hv̊te·
so betriegen kvnde·
sam der hase tůt den wint·
so gesorget ich niemer sint·
vmb mines svnes tohter kint·