Si iſt ſo gv̊t vn̄ ǒch ſo ſchoͤne·
die ich nv lange han gelobt·
ſolt ich ze rome tragen die crone·
ich ſaſtes vf ir hopt·
maniger ſpꝛeche ſeht er tobt·
got gebe das ſi mir lone·
wan ich tete ich weis wol wie·
lebt ſi noch als ich ſi lie·
ſo iſt ſi doꝛt vn̄ bin ich hie·
Si tet mir dos mir ſin gvnde·
vil zeliebe vn̄ ouch zegv̊te·
das ich noch zeteſlicher 31v ſtvnde·
ſinge ſo mir ſin wirt ze mv̊te·
ſid ich ſach das ſi die hv̊te·
ſo betriegen kvnde·
ſam der haſe tůt den wint·
ſo geſoꝛget ich niemer ſint·
vmb mines ſvnes tohter kint·