Swenne dú zit also gestat·
dc vns koment beidú blůmen vnd gras·
so mag 32r sin alles werden rat·
da von min herze trurig was·
des froͤwent sich dú vogellin·
wurde iemer svmer als ê·
lat die welt mir eigen sin·
mir tet ê· doch der winter we·
Dvr sinen willen ob er wil·
tv̊n ich eins vnd anders niht·
des selben mag in dvnken vil·
dc nieman in so gerne siht·
ich wil behalten minen lip·
ich han vil wol genomen war·
dc dike werdent schoͤnv́ wib·
von solkem leide misse var·