Maniger gruͤſſet mich alſo·
d̾ grůs tůt mich zemâſſe fro·
hartmā gen wir ſchowen·
ritt̾liche frowen·
mac er mich mit gemache lan·
vn̄ ile er zv̊ den frowē gan·
bi frowē truwe ich niht v̾uan·
wā dc ich mvͤde voꝛ in ſtan·
Ze frowē habe ich einē ſin·
als ſi mir ſint als bin ich in·
wand ich mag bc v̾tribe·
dv́ zit mit armē wibē·
ſwar ich kvm da iſt ir vil·
da vinde ich die div mich da wil·
dú iſt ǒch mines h̾zen ſpil·
was tǒg mir ein zehohes zil·
IN miner toꝛheit mir beſchach·
dc ich zv̊ zeiner frowē geſpꝛach·
frowe ich han mine ſinne·
gewant an úwer mīne·
do wart ich twerhes an geſehen·
deſ wil ich des ſi iv beiehē·
mir wib in solher mâſſe ſpehē·
dú mir des niht enlânt beſchehē·