Man darf den boͤſen niht ſv̊chen·
im wirt dike vnſanfte we·
wan ſi wartent vn̄ lůgent·
als der ſpꝛinget in dem ſne·
des ſīt ſi vil deſt me geve·
des darf noch niemā růchen·
wan ſi ſv̊chēt pirn vf den bv̊chen·
Swer dien frǒwen ſetzet hv̊te·
der tůt dike das úbel ſtet·
vil manig man treit die růte·
da er ſich ſelben mitte ſlet·
ſwer den úbeln ſitte gevet·
der get vil ofte vnfro mit zoꝛnigē můte·
des pfliget niht der wiſe frůte·