Jr ſtvͤnde bas das ſi mich troſte

JR ſtvͤnde bas das ſi mich troſte·
dan ich dvr ſi gelige tot·
wan ſi mich wilent ê· erloſte·
vs maniger angeſlichē not·
als ſis gebút ich bin ir tote·
wan ê· doch ſo ſtirbe ich note·

Ich lebte ê· mit vngemache·
als ſi hat geſehen vn̄ gehoꝛt·
ſiben iar ê ich von deheiner ſache·
wider ir willen ſpꝛeche ein woꝛt·
vn̄ wil doch dc ich clage mine ſere·
io iſt dú minne als ſi was wilent ere·