Man darf den boͤsen niht sv̊chen·
im wirt dike vnsanfte we·
wan si wartent vnd lůgent·
als der springet in dem sne·
des sint si vil dest me geve·
des darf noch nieman růchen·
wan si sv̊chent pirn vf den bv̊chen·
Swer dien frǒwen setzet hv̊te·
der tůt dike das úbel stet·
vil manig man treit die růte·
da er sich selben mitte slet·
swer den úbeln sitte gevet·
der get vil ofte vnfro mit zornigem můte·
des pfliget niht der wise frůte·