Ich wil mit froͤiderichē mv̊te·
ſingē alle die wile eī wib·
ir gvͤte kere mirs zegv̊te·
die mī h̾ze vn̄ al der lip·
ane valſch ī 152r ir gewalt betwungē hat·
ſo dc mir nie liebers wart geboꝛn·
nimt ſi nv zegv̊tes wibes h̾zen rat·
ſo dinge ich dc dc mī ſtetes lieb an ir niht ſi v̾loꝛn·
Swie vil ein wib vnfroͤide machet·
einē mā d̾ ſtete hat·
ſo ſi in dan eineſt an erlachet·
ſo dc es vō h̾zen gat·
ſo iſt ſin driſſeg ierig leit mit liebe hin·
dc erkēne ich bi mir ſelbē wol·
troſte ſi mich noch der eigē ich da bin·
ſo v̾gvlde ich gar mit liebe ſwc ich leides geldē ſol·
Verteilet mich dú ſchone ir guͤte·
hīnā hin alſ ǒch da hêr·
ſo twinget liebe mī gemvͤte·
ſo dc ich deſ niht enber·
ich enhabe vúr gv̊t ſwc ſi mag an mir begen·
vn̄ enwil mich niht wā des beſtē zir verſen·
ſwie ſi wil ſo wil ich dc mī froͤide ſte·
noh niem̾ lieb noh gv̊t an ir genade mir beſche·