Frowe ſelig vꝛowe·
vꝛowe mines h̾zē vn̄ der ſinne gar·
wend ir dc ich ſchǒwe·
langē kvmb̾ vn̄ an alle vꝛoͤide gar·
ſo ſit ſtete an der getat·
als ir mir lange hāt getan· ſeht ſone wirt ǒch niem̾ ſoꝛgen rat·
Sit ir mich ſo leret·
dc ich ſtetekliche miner erē pflege·
des ſit iem̾ geeret·
wol ǒch mich dc ir mich wiſet rehte wege·
ir hant wol geratē mir·
ſw̾ als rehte ratē kan· dur des rat ich g̾ne vnvůge enbir·
IR went mir v̾kere·
ſwc ich ſinge vn̄ ǒch 155r geſage· daſt ane wer·
doch ſold ich ú leren·
ich beſwūge úch ſo mit min̾ růtē ber·
dc ir hoꝛtent mine klage·
die ich nv lāget hat geklaget vf wiblich gvͤte mine tage·
Weſt ich nv dē willē·
wie ir woltēt villen alſo vilt ǒch ich·
ſol mā kint ſtilſen·
doch v̾ſten ich nv alrerſt rehte mih·
ich bin ſelker růte vꝛi·
deſ lob ich got dc es ſo ſte· dc ich noh mī ſelb̾ vꝛowe ſi·
Selde ſchoͤne gvͤte·
hant die meiſt̾ſchaft ſo ſere an úch geleit·
dc mich min gemvͤte·
dar nach dir vō ſo ſtriteklichē treit·
dc ich habe dē ſtrit v̾lan·
dv̊t ir mir ſus tůt ir mir ſo· dc heiſ ich doh alleſ wol getan·