Amabo, mea cara Fannielta,
ocellus Veneris decusque Amoris,
iube, isthaec tibi basiem labella
suciplena, tenella, mollicella;
amabo, mea vita suaviutnque,
face istam mihi gratiam petenti.
Ah, quid lenta tuum times maritum?
Ne time, leviter suaviabor.
Apes ut tenero studens liquori
libat suinma thymi aut crocon rubentem,
summa vix tibi suxerim labella,
isthaec dico labella mollicella,
quae me tam facient cito beatum
quam fiam cito, si neges, misellus.