An nos sola parit, Deci,
Tellus? An patrio degeneres polo
Mentimur genus et domum,
Qum nos assiduis Circuit ignibus,
Et torpere domestico
Stellatam sobolem non sinit otio?
At si semideum genus
Non falsis canimur fabula vatibus
Coelo ducere sanguinem;
Cur nostne resides (heu, nimium
Indormimus inertim?
Natalique dies infodimus casaj,
Dum pulchri fuga temporis
Nil cunctante senes praetereat rota?
O quisquis volet impiam
Noctem paciferi rumpere saeculi;
Primus Phasin et uberes
Colchos, et veteris moenia Thraciae
Pulsis eripiat Getis.
Illum per populos garrula differet
Bigis Gloria candidis,
Et seris recinet Fama nepotibus.
At nos nobilium domi
Laudum livor edet: quatenus (heu nefas!)
Quod virtus erat, invidi,
Fortunae tenui nomine diximus.
Fatis omnia tradimus:
Et quam certus emit consiliis labor,
Stultae plebis in agmine
Laudem casus habet. Nam simul abstitit
Nostris gloria postibus,
Obliquo refugam lumine figimus:
Et laeti male, serias
Laudes non hilari deterimus joco.
At tu, cui placitas manu
Pulsat fama fores, excute te toro,
Mensaeque et patriis focis:
Et quacumque sequi j usserit, emica,
Ducentemque praei: neque
Praeter succiduis passibus ambula.
Mox hinc Caucason, hinc Athon
Victor belligero corripies gradu.
Tunc quae maxima fluminum
Seu cum sole sacris fontibus exeunt,
Seu cum sole cadunt, nihil
Indignata tui sceptra sub imperi
Lerii pace fluent: suum
Volvent cuncta tuis in manibus diem.
Cur tunc ad patrios ego
Cantem bella focos, segnis et immemor
Sacrae transfuga gloriae?
Cur non te potius, Graecia, barbarum
Cur exuta jugum Rhodos,
Visam non pavidis navita puppibus?
Jam tunc carpere libero
Tempe laeta gradu, jam liceat sacrum
Haemi scandere verticem:
Et nunc in vitrei margine Penei,
Nunc ad saxa biverticis
Parnassi residem, Pindaricis juvet
Rupes vincere cantibus,
Et pacare rudi proelia barbito.
Jam tunc inclytus et sacer,
Ignotisque procul gentibus audiar
Magni carminis artifex.
Tum quae pessima praesentibus imminet,
Absens ulterioribus
Abrumpam spatiis invidiam: neque
Occultus patiar mori
Exsul Pieriae civis adoreae.