Fedus in imperio pueri cum matre solutum
Tercius exequitur Karolumque insignia Rome
Gessisse imperii Papa tradente Leone,
Bawariis quam magnifice se gessit adaptat,
5Describit terras quas subdidit, obsequiosos
Commemorat reges, alia et magnalia narrat,
In quibus extollit mores, commendat amorem
Principis, adiungit que circa dogmata curam
Natorum gereret, et agit de matre sepulta,
10Quam circa diuina libens, quam examine prompti
Iudicii dirimens causas fuit, atque ita regem
Tradit in his animum gessisse per omnia fortem.
C quater et semel X positam quater I repetitam
Versiculis ponit distinctio tercia summam.