Temperiem regis, quam sobrius esset in escis,
Quam fugiens mithmos, quam luxum exosus et equus
Subiectis princeps, canit hec ex ordine quartus.
Prosequitur regni quam pignora sancta reliquit,
5Inprimis de rege pio finemque beatum
Quem meruit, subiungit agens de principe Caluo
Egidii lalides ostensaque signa deorsum.
De Karolo repetit, quem prefert omnibus illis,
Tunc meminit mortem maturaque tempora ponit,
10Omnia maturo matura in rege figurans.
Sic eius consummat in hoc condimine uitam,
Firmat et egregiam quarta hec structura columpnam
Versibus ista decem superat pars quarta priorem,
C quater apponens ante, I quater X bis adaugens.