Intuitu iuris pape mediante rogatu
Bella peracta canit et parta trophea secundus.
Deicit Italie regem ponitque triumphum
Saxonici martis, ubi sumpta occasio rebus
5Longius exequitur Franci primordia regni;
Hispanas acies infert et fraude peremptos
Vasconie proceres, Rollandi flebile funus,
Et comitum meminit lugubria fata suorum;
Liberat hinc regem, Ludouici interserit ortum,
10Deinde in diuersas perstringit prelia gentes,
In quibus extremos habet ultimus angulus Anglos.
Quam iustus fuerit memoratur in omnibus istis.
C semel et semel X breuior quam portio prima
Dat quadraginta quadringentosque secunda.