Sancte confessor, meritis beate,
Cerne devotum tibi congregatum
Mentibus coetum resonare cantum
Voce canorum.
Qui tuum gaudet celebrare festum,
Quo sacer lethum viceras amarum.
Corporis claustra reserans eundo
Victor ad astra.
Unde nunc praesens pie te rogamus,
112.1663B| Judicem pulses precibus sacratis,
Quatenus nostri miserando clemens
Sit memor Auctor:
Detque nos semper sibi corde fidos.
Actibus gratis satis et placere,
Omnis et noxae veniam mereri
Ipse Redemptor.
Hoc, Pater sancte, precibus beati
Annuas, tecum tuus atque Natus
Almus et Flatus tribuat, precamur,
Trinus et unus.