Quae uel quot generis sint monosyllaba primi,
Mox, si nosse uelis, haec alta mente notabis:
As dens flos et Dis fons mons pes mos quoque moris
Lar mas pons pus glis rex ros Nar sol quoque solis
5Stips praes grexque gregis uir Mars sal lynxque tenebis
Ren splen uasque uadis ex his haec ultima noris
Calx quoque qui pede fit super haec in mente tibi sit:
Quae fore bis dena uideas octauaque cuncta.
Feminei generis sunt haec quae noscere quibis:
10Pax arx calx calcis cos Styx dos falx quoque falcis
Glos et frons frondis gens fax faex frons quoque frontis
Lux lex fraus fraudis simul et laus accipe laudis
Lis glis lens lentis glans lanx mens denique mentis
Lens merx mors mortis pars et sors denique sortis
15Nux nix ars artis nex pix prex nox quoque noctis
Ops res uox uocis stips et stirps denique stirpis
Spes trabs cruxque crucis uis et strix urbs simul urbis
Puls frux faux faucis scobs daps plebs denique plebis
Scrobs saeps uix uicis et Sphinx haec extrema tenebis:
20Haec quinquaginta tibi sint bis ternaque cuncta.
Et quae sunt generis etiam monosyllaba neutri
Accipe. sed primo cor fas far crusque teneto,
Inde lac os oris pus git plus os simul ossis,
Aes ir fel fellis, cui mel coniungito mellis,
25Hinc sal rus ruris uas uer tus denique turis,
Postea ius iuris, nequeo dinoscere plus his:
Quae dum conflabis uiginti non dubitabis.
Communis generis haec bis tria sola tenebis:
Bos dux fur furis sus grus dis denique ditis.
30Si petis extrema, promiscua noueris illa
Quae sunt lens lendis, pariter grus mus quoque muris.
Omnia centena sunt haec simul et duodena.
Haec non despiciat quis, ne despectio fiat.