Infrigidare gradu primo, humectare secundo
attriplicem dicunt. Ejus mollit cibus alvum,
duricias solvit varias clavisque medetur,
emplastrum crudae vel coctae si superaddas;950
hocque superpositum scabros cito detrahit ungues,
ignibus et sacris dicunt sic posse mederi.
Attriplicem tritam cum nitro, melle et aceto,
dicunt appositam calidam sedare podagram.
Ictericum dicit Galienus tollere morbum 955
illius semen cum vino saepius haustum.