Vim calidam siccamque gradu fert mentha secundo.
Illius potu vis digestiva juvatur,1510
confortat stomachum, vomitum quoque detinet hausta,
lumbricosque modo depellere fertur eodem.
Diversis morbis occurrit testiculorum,
si foveantur aqua, qua menthae cocta sit herba;
concretum solvit lac mammis addita trita,1515
instillata fugat auris cum melle dolorem,
asperitas linguae fugit illa saepe fricatae,
haustaque cum sapa partum solet accelerare,
trita canis morsum superaddita cum sale curat.
Haec haemoptoicis mixto succurrit aceto;1580
matrici succus si subditur illius, ante
quam fiat coitus, mulier non concipit inde.
Caseolos succus putrescere non sinit ejus
admixtus vel si viridis superadditur herba.