A domino uiduata tuo iam, parma, quiesce,
Cui par Raherio nullus erit dominus.
Viue, dies festos longum uisura per euum,
Nam metuenda quidem lancea nulla tibi.
5Nam si Raherius uel par sibi uiueret ullus,
Non deberentur ocia tanta tibi.
Mors eius requiem, faceret tibi uita laborem,
Sed labor ille tibi dignus honore foret.
Posterior numquam, prior ires semper in hostem,
10 Cedere nec scires, anxia nec fugeres.
Qui te conspicient, pro tanto milite plorent,
Tuque diu ualeas, in titulo posita.