Robustum pectus flauusque per ora capillus
Et gena pubescens, rarus et annus adhuc
Viuendi leuiter tibi causa fuere, Raheri,
Viuendique diu spem tibi contulerant.
5Nulli contulerat potius natura cor audax
Atque manum ualidam quam tibi contulerat.
Militis unius totum simul abstulit ictus,
Quippe coegit te morte mori subita.
In modico tandem puluis modo clauderis antro;
10 Notus namque Deo nunc locus est animae.
Quodsi uota fides audax pro talibus offert,
Offerat et pro te uota benigna fides.