1. Excitatur caritas in Iericho,
Facta est pluralitas in unico,
Iacob exulat et pullulat fides in gentibus,
Lapis tollitur, fons oritur potandis gregibus.
2. Novus cultor creditus est vinee,
Oleaster insitus est olee,
Ficus sterilis immobilis in legis area
Manna reicit nec elicit granum de palea.
3. Quos serpentis perimit fraus emuli,
Saginati redimit mors vituli,
Dei filius, non alius assumit hominem,
Ymbrem spiritus paraclytus pluit in virginem.
4. Sacrum pneuma thalamum excoluit,
In quo vite balsamum delituit,
Nec intelligit sed negligit et stupet littera
Deum hominem et virginem, cum sit puerpera.
5. Ergo sacro flamini sacrarium,
Speciale domini triclinium,
Natum postules, ut exules restauret patrie,
Quos incarcerat et lacerat vallis miserie.