(Response d'Orleans à Bourbon.)
Comme parent et alyé
Du duc Bourbonnois à present,
Par ung rondeau nouvellement
Me tiens pour requis et payé;
Par une, gist malade, mis
Ou lit d'amertume et grevance,
Requerant tous ses bons amis,
S'il meurt, qu'on demande vengance.
Quant à moy, j'ay ja deffie
Celle qui le tient en tourment,
Et apres son trespassement,
Par moy sera bien hault crié.
Comme parent, etc.