(Bourbon jadiz Clermont.)
Je gis au lit d'amertume et doleur,
Livré à mort, par faulte de secours,
Et si ne scay quant finera le cours
De mon aspre et immortel malheur.
Priez pour moy, car je m'en vois mourir,
Mes bon amis, aiez en souvenance;
On ne me veult au besoing secourir,
Requerez en, apres mes jours, vengance.
Si vous m'amez, car c'est pour la valleur
D'une sans per, qu'ainsi m'est au decours
Ma povre vie, sans repit, ne recours,
Pour estre tant son loyal serviteur,
Je gis au lit, etc.