(Orléans.)
Quant ung cueur se rent à beaulx yeulx,
Criant mercy piteusement,
S'ilz le chastient rudement,
Et il meurt, qu'en valent ilz mieulx?
Batu de verges de Beaulté,
De lui font sang par tout courir,
Mais qu'il n'ait fait desleauté,
Pitié le devroit secourir;
S'il n'a point hanté entre tieulx
Qui ne s'acquictent loyaument;
Doit estre tel pugnissement,
A mon advis, en autres lieux.
Quant, etc.