Se halga ƿer ferde mid his fare hƿilon · 1011
þa cō him færinga to micel folc manna ·
⁊ þone feld afyldon þær martin᷒ ferde
sƿilce for ƿundrunge þæs halgan ƿeres ·
þa ƿæron ealle hæðena · ⁊ þone hælend ne cuþe
nan man of þære ƿíc þe hí of ƿæron ·
Martinus ða onget þæt he mihte sceolde ƿyrcan · 1017
⁊ drihtnes ƿord bodode þam dysegum hæþenum ·
⁊ mid ge-lomum siccetungū sarlice mænde ·
þæt sƿa micel meniu þone ælmihtigan god ne cuþe ·
| Ƿæs ða godes fore-sceaƿung · þæt an ƿif brohte ðyder 1021
hire deadan suna líc þe litle ær forð-ferde ·
⁊ a-strehtū handū to þam halgan ƿere cƿ̅ ·
Ƿe ƿiton leof þæt ðu eart unleaslice godes freond · 1024
ge-hæl me minne sunu forþan-ðe he is me ancenned ·
⁊ v hæþene folc fylste eac þam ƿife ·
Þa genam se halga ƿer on his handa v líc · 1027
⁊ ge-bigedum cneoƿum gebæd hine to gode ·
⁊ þa þa he up aras ge-endedum gebede
he ageaf þone cnapan [cnaþan @ Skeat] cucenne his meder ·
Þa hæþenan þa clypodon mid healicre stemne · 1031
⁊ cƿædon mid ge-leafan þæt crist ƿære soð god ·
⁊ feollon heap-mælum ealle to þæs halgan ƿeres cneoƿum ·
biddende hine georne þæt he dyde hí cristene ·
He eac ne ƿandode on þam ƿidgillan felda 1035
þa hæþenan to cristnigenne þa þa hí on crist gelyfdon ·
ac he hi ealle sona samtingas gecristnode ·