Eft on sumne sæl þær martin᷒ siðode
mid his geferū · þa cō þær færlice yrnan
an þearle ƿod cu · ⁊ þa þe hyre fyligdon
clypodon to þam halgan ƿere þæt he hine ƿarnian sceolde ·
for-þan-þe heo hnat yfele ælcne þe heo ge-mette ·
Heo cō þa yrnende mid egeslicū eagū · 1043
ac se halga ƿer sona het hi ætstandan ·
⁊ heo þær-rihte gehyrsumode his hæse ⁊ stod ·
Þa geseah se halga ƿer þæt þær sæt an deofol 1046
on þære cu hrycge · ⁊ cƿ̅ to þā scuccan ·
Geƿít þu ƿæl-hreoƿa aƿeg of þā nytene 1048
⁊ þis unscæððige hryþer gesƿíc to dreccenne ·
Se manfulla gast þa martine gehyrsumode · 1050
⁊ ferde of ðære cy · ⁊ heo oncneoƿ sona
þæt heo alysed ƿæs · ⁊ læg aþenod
ætforan his fotum · on-fangenre stilnysse ·
Þa het se halga ƿer þæt heo ge-|ƿende to þære heorde · 1054
⁊ heo sƿa bileƿite sƿa scep · beah to þære dræfe ·