On sumne sæl cō se deofol · mid sƿyðlicre grimetunge · 0775
into þā halgan ƿere · ⁊ hæfde ænne oxan horn on hande ·
⁊ cƿ̅ to martine ·
Hƿær is þin miht nu ða 0777
ænne man ic ofsloh of þinre hiƿrædene nu ·
⁊ ƿæs his sƿyðre hand sƿilce geblodegod ·
Þa clypode martinus his munecas him to · 0780
⁊ sæde hƿæt se deofol him sƿutolode ·
⁊ het georne secan hƿa þær ofslagen ƿære ·
Ƿæs ða an hyr-man to ƿuda afaren · 0783
se læg ge-ƿundod be þam ƿege samcucu ·
⁊ he þa sæde þa þa he his oxan ræpte ·
þa scóc an his heafod · ⁊ mid þā horne hine þyde ·
on þæt ge|ƿeald sƿiðe · ⁊ he þa sona ge-ƿat ·
Fela þing ƿiste se halga ƿer on ǽr 0788
lange ær hi ge-lumpon · ⁊ þam geleaf-fullū munecum
sæde þa þing þe him gesƿutelode ƿæron ·
⁊ hit syþþan sƿa á eode sƿa he him ær sæde ·