Tƿa mila hæfde martin᷒ frā his mynstre 1198
to turonian byrig þær se bisceop-stol ƿæs ·
⁊ sƿa oft sƿa he þyder ferde sƿa forhtodon þa deofla
on ge-ƿit-seocum mannū for-þan-ðe hi ƿiston his to-cyme ·
⁊ þa deofol-seocan sona mid sƿiðlicre grymetunge
forhtigende ƿæron · sƿa sƿa þa fordemdan þeofas ·
on þæs deman to-cyme ofdrædde forhtigað ·
Þonne ƿæs ðam preostū cuð martin᷒ to-cyme 1205
þurh þære deofla grimetunge · þeah ðe hi hit ær nyston ·
Sƿa oft sƿa he ƿolde adræfan deofla of þā ƿit-seocū · 1207
sƿa astrehte he hine sylfne on þære cyrcan flora ·
mid hæran ge-scryd · ⁊ mid axum bestreoƿod
licgende on his gebedum belocenū durum ·
⁊ þa deofla siþþan of þā gesƿenctū mannum
mid ƿundor-licum gebærum ƿurdon him sona fram ·
þæt se cƿyde mihte beon on martine ge-fylled ·
þæt halige menn sceolon englum deman ·