His ƿæl-hreoƿnysse he cydde on gehƿilcum burgū · 1178
⁊ symble he blissode on unge-sæligra manna slæge ·
ac æt-foran martine he ƿæs milde ge-þuht ·
⁊ ne dorste on turonia don nane ƿælhreoƿnysse ·
Se halga martinus cō to him hƿilon · 1182
⁊ þa þa he eode into his spræc-huse ·
þa geseah he sittan ænne sƿeartne deofol
ormætne on his hrycge · ⁊ he him on ableoƿ ·
Ða ƿende auitian᷒ þæt he hī on ableoƿe · 1186
⁊ cƿ̅ to þā halgan ƿere · hƿi behylst þu me sƿa halga ·
Se bisceop hī ⁊ƿyrde · 1188
Ne behealde ic na þe · 1188
ac þone sƿeartan deofol þe sit on þinū hneccan
ic þe of ableoƿ · ⁊ se deofol sƿa aƿeg geƿat ·
| ⁊ his hiƿcuðe setl sona ða forlét ·
Auitian᷒ soðlice siðþan ƿæs mild-heortra 1192
of þam dæge æfre þe se deofol him frā ƿearð ·
oþþe for-þan-þe he ƿiste þæt he his ƿillan ær ƿorhte ·
oþþe for-þan-þe se unclæne gast hī of-afliged ƿæs ·
þurh martines mihte · ⁊ him micclū sceamode
þæs deofles man-rædenne þe he on ƿæs oþ þæt ·