Sum tún ƿæs on þam timan on þære senonican scíre 1215
þe ælce geare oftost ƿæs aƿest þurh hagol ·
sƿa þæt heora æceras ær ƿæron aþroxene
ær ænig ryftere þæt geríp gaderode ·
Þa sende se tunræd sumne ge-tryƿne ærendracan 1219
to þā halgan martine · his helpes biddende ·
Martinus þa ge-bæd þone mild-heortan drihten 1221
for þā ge-sƿenctum mannū · ⁊ syþþan of þā dege
| geond tƿentig ƿintra fyrst þe he ƿunode on life
ne cō on þā earde ænig hagol syððan ·
Ac on þam forman geare þe he forð-faren ƿæs · 1225
cō eft se hagol ⁊ hi yfele gesƿencte ·
þæt þæs middan-eard ongete martines forðsið ·
⁊ his deað beƿeope þe on his life blissode ·