Hƿilon eac se halga ƿer toƿearp an hæðen-gild · 0427
þa sette he sona fyr on þæt feondlice templ
þæt hit bradum lige brastligende hreas ·
Þa ƿende þæt fyr forð mid þam ƿinde 0430
to anū þære huse · þe þær ge-hendost stód ·
ac martinus mid ofste uppon þæt hus astah ·
⁊ sette hine sylfne ongean þone sƿegendan fyr ·
Þær mihte ƿundor ða | geseon · se ðe ƿære gehende · 0434
hu se ƿínd · ⁊ se líg · ƿunnon him betƿinan ·
se ƿind bleoƿ ðone líg · ac he ƿand ongean
for-beah þone halgan ƿer þe on þam huse ƿæs ·
⁊ þæt án for-bærnde þe him be-boden ƿæs ·