Eft æfter sumum fyrste ferde se halga ƿer
ofer sumes þegenes land lupicin᷒ gehaten ·
Þa gehyrde he feorran færlice hream · 0241
ƿependre meniu · ⁊ he ƿearð þa ge-stedegod
befrinende georne hƿæt þæt fær-lices ƿære ·
Him ƿearþ þa ge-sǽd þæt sum unge-sælig man 0244
hine sylfne ahenge · of þære hiƿ-rædene ·
⁊ sƿa hangigende hine sylfne adydde ·
Martinus þa inn-eode þær se man læg dead · 0247
⁊ adræfde ut ealle þa meniu ·
⁊ hine sylfne astreh|te ofer þone saƿl-leasan lichaman ·
sume hƿile on ge-bedum · ⁊ he sona ge-edcucode ·
⁊ mid geornfulre elnunge up arisende ƿæs ·
⁊ nā martinus sƿiþran hand [⁊] mid him astod
⁊ forð-stop mid him · on þæs folces gesihðe ·