Ða com an ge-cristnod man ⁊ ge-cuð-læhte to martine · 0207
⁊ ƿunode mid hī ƿolde his lare underfón
ac æfter feaƿū dagum he ƿearð færlice seoc ·
sƿa þæt he forð-ferde unge-fullod sona ·
⁊ se halga martinus næs æt ham þa hƿile ·
Ða gebroþra sarige þa sæton ofer þæt lic · 0212
⁊ martin᷒ com þa micclū dreorig ·
⁊ het hi gan út ⁊ be-hæpsode þa duru ·
⁊ astrehte hine sylfne sona ofer þone deadan
biddende his drihten þæt he þone deadan arærde ·
Þa æft̅ | sumū fyrste he ge-fredde on his mode · 0217
þæt godes miht ƿæs toƿerd · ⁊ he astod þa up
an-bidigende unforht his bena tiða ·
Þa æft̅ tƿā tidum astyrode se deada 0220
eallum limum · ⁊ lociende ƿæs ·
Þa clypode martin᷒ micclū þancigende gode · 0222
⁊ þa þe þær-ute stodon instopon sona
sƿiðe ablicgede · þæt hi gesaƿon þa libban
þone þe hi ær for-leton deadne ·
He ƿearð þa sona ge-fullod · ⁊ he siððan leofode 0226
manega gear · ⁊ mannum sæde
þæt he to þæs hextan deman heh-setle ƿære gebroht ·
⁊ [italics @ Skeat] þær him ƿæs ge-demed to dimre stoƿe ·
þær he unrot ƿunode · mid ƿoruld-mannum ·
on ƿitnungum þa hƿile · ⁊ þa ƿearð gecyd
þurh tƿegen englas þam ælmihtigan deman
þæt he se man ƿære þe martin᷒ fore gebæd ·
⁊ þa ƿearð eft geboden · þurh þa ylcan englas
þæt he ƿurde gelæd to life ongean ·
⁊ martine agifen · ⁊ hit ƿearð þa sƿa ·
Þa asprang martines hlisa geond þæt land ƿide · 0237
þæt se þe halig ƿæs on ƿeorcū · ƿære apostolic ƿer ge-lyfed ·