Sum bisceop seuerinus on þære byrig colonia 1385
haliges lifes man gehyrde on ærne mergen
sƿiðe hludne sang on heofonū · ⁊ þa gelangode he him to
his erce-diacon · ⁊ axode hine hƿæþer
he þa stemne gehyrde · þæs heofonlican dreames ·
He ⁊ƿyrde ⁊ cƿ̅ · v he his nan þincg ne gehyrde · 1390
Þa het se bisceop þæt he heorcnode geornlicor · 1391
he stod þa ⁊ hlyste · on his stæfe hliniende ·
⁊ ne mihte nan þing þære myrhþe gehyran ·
Þa astrehton hi hi begen biddende þone ælmihtigan 1394
þæt he moste | ge-hyran þone heofonlican dream ·
he hlyste þa siððan · ⁊ sæde þæt he gehyrde
singendra stemne · sƿegen on heofonum ·
⁊ nyste sƿa þeah hƿæt ða stemna ƿæron ·
Seuerinus ða cƿ̅ · ic þe secge be þam · 1399
martin᷒ se eadiga of þysum middan-earde geƿát ·
⁊ nu englas singende his saƿla feriað
mid him to heofonū · ⁊ se hetela deofol
mid his unriht-ƿisū gastum · hine ƿolde gelettan ·
ac he ge-ƿat gescynd aƿæg fram þā halgan ·
⁊ nan þing his agenes on him ne gemette ·
Hƿæt bið be us synfullum · nu se sƿicola deofol 1406
sƿa mærne sacerd derian ƿolde ·
Þa sende se erce-diacon sona to turonia · 1408
to martines bisceop-stole · ⁊ het axian be him ·
þa ƿearð hī soðlice gesæd þæt he his saƿle ageaf
on þære ylcan tide þe hi þone sang gehyrdon ·