Martin᷒ þa siððan to þam mynstre becom · 1328
⁊ ƿunode þær sume hƿile ⁊ gesibbode þa preostas ·
Eft ða he ham ƿolde þa ƿearð he ge-untrumod · 1330
⁊ sæde his gebroðrum þæt he sceolde forð-faren ·
Þa ƿurdon hi ealle ge-unrotsode sƿiþe · 1332
⁊ mid micelre heofunge hine befrinan ·
Eala þu fæder hƿi forlætst þu us · 1334
oððe hƿā betæhst þu us forlætene ·
ƿitodlice becumað to þinre eoƿde
reafigende ƿulfas · ⁊ hƿa be-ƿerað hí ·
Ƿitodlice ƿe ƿiton þæt [sic @ Skeat] þu geƿilnast to criste · 1338
ac þe synd gehealdene þine meda geƿisse ·
gemiltsa la ure sƿiðor þe þu forlætst ·
Þa ƿearð se halga ƿer mid þysum ƿordum astyrod · 1341
⁊ clypode mid ƿope · ⁊ cƿ̅ to his drihtne ·
Drihten min hælend · gif ic nyd-behefe eom 1343
git þinū folce · ne for-sace ic na
gyt to sƿincene geƿurðe þin ƿilla ·
Ne ic ne beladige mine ateorigendlican ylde · 1346
ic þine þenunga est-ful gefylde · under þinū tacnū
ic cāpige sƿa lange sƿa þu sylf hætst ·
He lag þa sƿa forþ ane feaƿa daga 1349
mid fefore geƿæht · þurh-ƿunigende on ge-bedum ·
on stiþre hæran licgende · mid axū bestreoƿod ·
Þa bædon þa gebroðra þæt hi his bæd moston 1352
mid ƿaccre streƿunge huru under-lecgan ·
Þa cƿ̅ se halga ƿer to þam ƿependū gebroðrum · 1354
Ne gedafnað cristenum menn · buton þæt he on duste sƿelte 1355
gif ic eoƿ oþre bysne selle · þonne syngie ic ·
He ne lét na of gebedū his un-ofersƿiðdan gast · 1357
ac he æfre openū eagū · ⁊ up-ahafenū handum ·
his gebeda ne gesƿác ·
Þa ƿoldon þa preostas 1359
þæt he lage on oþre sidan · ⁊ ge-lihte hine sƿa ·
| Þa cƿ̅ se halga eft · 1361
Geþafiað ic bidde 1361
þæt ic heofonan sceaƿige sƿiðor þonne eorðan ·
⁊ min gast sy asend on his siðfæte to drihtne ·
He geseah þa standan sƿiþe gehende þone deofol · 1364
⁊ he hine or-sorhlice axian ongan ·
Hƿæt stendst þu her ƿæl-hreoƿa deor · 1366
ne gemetst þu on me þu manfulla ænig þincg ·
Ic beo underfangen on abrahames ƿununge · 1368
⁊ æft̅ þysum ƿordum geƿát seo saƿl ·
of þam gesƿenctan lichaman ge-sælig to heofonū ·
On sunnan mergen he ge-ƿát þa þa he ƿæs on ylde · 1371
an ⁊ hund-eahtig ƿintre · ⁊ æfter cristes þroƿunge ·
feoƿer hund ƿintre · ⁊ tƿelf on getele ·
⁊ fela manna þa ge-hyrdon on his forð-siðe
singendra engla sƿiðe hlude stemna
up-on hea-nysse geond þa heofonas sƿegende ·
sƿa hit on bocū sægð · þe be him synd aƿritene ·
His lic ƿearð ge-seƿen sona on ƿuldre 1378
beorhtre þonne glæs · hƿittre þonne meolc ·
⁊ his andƿlita scean sƿiþor þonne leoht ·
þa iu ge-ƿuldrod to þam to-ƿerdan æriste ·
Eala hƿilc heofung holdra geleaffulra 1382
hlude þa sƿegende · ⁊ sƿiðost þære muneca
⁊ mynecena ƿóp on martines deaðe ·