On sumere tide he ferde forð þurh ane burh 0058
ambianis gehaten on hetelicū ƿintra ·
on sƿa sƿiðlicū cyle · þæt sume men sƿulton þurh þone ·
Þa gemette he ðær ænne þearfan | nacodne 0061
biddende þa riddon (sic) þæt hi him sū reaf sealdon.
ac hi ridon him forð · ne rohton his clypunge ·
Martin᷒ þa ongeat þæt he moste his helpan · 0064
þa ða þa oþre noldon ac he nyste sƿa-þeah
hƿæt he sealde þā nacodan forþan þe he sylf næfde
naht butan his geƿædum · ⁊ his geƿæpnunge ·
forðan þe he on sƿilce ƿeorc aspende ær his ðing ·
He gelæhte ða his sex · ⁊ forcearf his basing · 0069
⁊ sealde healfne dæl þā gesæligan þearfan ·
⁊ þone healfan dæl he dyde on his hricg ·
Þa hlogon his geferan þæs forcorfenan basinges · 0072
sume eac besargodon þæt hi sƿilces naht ne dydon
þonne hi butan næcednysse him bet mihton tiðian ·
On þære ylcan nihte he geseah on sƿefne 0075
þone hælend gescrydne mid þā healfan basinge ·
þe he sealde þam þearfan · ⁊ hét þæt [sic @ Skeat] he biheolde
to his drihtne ƿerd ⁊ oncneoƿe þæt reaf* ·
Þærrihte gehyrde se halga martin᷒ · 0079
þone hælend clypian to his halgū englū
mid beorhte stēne · ⁊ to hī ymb-standendū cƿ̅ ·
Martinus þe git nis gefullod me mid þysū reafe gescrydde. 0082
He gemunde þa his cƿydes þe he cƿ̅ on his godspelle. 0083
þæt þæt ge doð on minū naman anū of þysū læstū ·
þæt ge doþ me sylfū · ⁊ forþi he gesƿutelode
hine sylfne martine on sƿefne mid þā reafe
þe se þearfa underfeng for his naman on ǽr ·
Se halga ƿer sƿa-þeah næs ahafen þurh þa gesihþe · 0088
ac godes godnysse he oncneoƿ on his ƿeorce ·
⁊ þa þa he ƿæs eahtatyne ƿintre · he ƿearð gefullod on gode ·
nolde þeah git forlætan · for his leofan ealdormenn ·
þone | folclican campdom · ac for his benū sƿa ƿunode
tƿa gear fullice · siððan he gefullod ƿæs ·