Wúnſchent dc mī núwes w̾bē·
bas volende dāne dc alte habe getā·
ald̾ ich mv̊s an froͤiden ſt̾ben·
ſit ich h̾zelieb alrerſt vundē han·
ich wc vꝛi nv hat mī h̾ze ſich ergeben·
in d̾ dienſte ich mv̊s erſterbē·
eines wibeſ d̾ ich mv̊s vúr eigē lebē·
Sol mir iem̾ wol gelingē·
ſol mir iem̾ herze ſwere w̾den bůs·
nein ich bin vō lieben dingē·
ſo v̾derbet dc ich lange trurē mv̊z·
dar zů trurent kleinú vogellī
wer moͤhte vns nv froͤide bꝛingē·
mir eī wib vn̄ in des liehtē meien ſchin·
We wer wil nv ſoꝛgē waltē·
dv́ wc mī geſinde nv vil manigē tag·
ine wil ir niht me gehaltē·
ich bin vꝛo dc ich ir ane weſen mag·
froͤide hat ſi mir gedꝛungē an dc oꝛt·
helfent mir ſi gar v̾ſchalten·
ſpꝛechēt ia núwā dc eine ſvͤze woꝛt·