Wol mich húte wol mich iem̾ mere·
mich tůt ſo wūnērich ein wib·
des wol mich dc ſich al min froͤide mere·
wol mich dc ich ſo liebē lib
hā zetroſte mir erſehen·
wer ich tvſent iar gewaltig keiſer·
mir kvnde niemer bas beſchehē·
Min lieber wā der half ie vil kleine·
wā dc ich hoffet alle tage·
ſi hies mich dike vꝛo ſin durh gemeine·
un̄ lies mich leit mit willen tragē·
in dē wane lebt ich do·
vō dē wane hat ſi mich geſcheidē·
vn̄ bin vō ſchuldē vꝛo·