Wol mich das dv́ vil ſeldenriche ie wart geboꝛn·
dú mit berenden tugendē hat ir lip ſo wol gekroͤnet·
ſi iſt min blvͤnde roſe gewahſen ſvnder doꝛn·
ſeht vō ir ſchoͤne weren vil wol dꝛiſſec lant beſchoͤnet·
ſi ſvnnenblik ſi meien ſchin·
ſi vogel ſanc min hohſter troſt in ſvͤſſer ǒgenweide·
ſi erlúhtet gar dc h̾ze min·
ſwa ich d̾ lande bin ſi iſt doch min zv̊uerſiht in leide·
ia iſt ſi lobes krone ob aller frowē ſchar·
ir lop ſich helle ſwinget witē her vn̄ dar·
vō ir tvgenden die ſint alſo lobelich·
ſwa mit man kroͤnet vꝛowen lip· des weiſ ich niender ir gelich·