Wîſſe rote roſen blawe blv̊mē gruͤne gras·
bꝛune gel aber rot darzů deſ klewes blat·
vō dirre varwe vnder einer linden was·
ein ſchoͤner ſlat·
dar vffe ſv̄gen vogele·
dc wc ein ſchoͤnv́ ſtat·
kvrz gewahſen bi ein ander ſtůnt es ſchone·
noch gedinge ich der ich vil gedienet han das ſi mir lone·
Es iſt manig wile dc ich niht vō froͤidē ſanc·
vn̄ enweis ioch niht rehte weſ ich mich frǒwen mac·
dc ich der gv̊tē niht ſach des dvnket mich vil lanc·
doch fúrhte ich ſine gewūne noch nie nach mir langen tac·
ich ſol zemâſſe lachē vnz ich ir genade erkenne·
als ich danne ervinde wies alles ſtat da nach lache ich dēne·