Wîsse rote rosen blawe blv̊men gruͤne gras·
brune gel aber rot darzů des klewes blat·
von dirre varwe vnder einer linden was·
ein schoͤner slat·
dar vffe svngen vogele·
dc wc ein schoͤnv́ stat·
kvrz gewahsen bi ein ander stůnt es schone·
noch gedinge ich der ich vil gedienet han das si mir lone·
Es ist manig wile dc ich niht von froͤiden sanc·
vnd enweis ioch niht rehte wes ich mich frǒwen mac·
dc ich der gv̊ten niht sach des dvnket mich vil lanc·
doch fúrhte ich sine gewunne noch nie nach mir langen tac·
ich sol zemâsse lachen vnz ich ir genade erkenne·
als ich danne ervinde wies alles stat da nach lache ich denne·