Wie sich minne hebt dc weis ich wol·
wie si ende nimt des weis ich niht·
ist das ichs inne werden sol·
wie dem herzelieb beschiht·
so bewar mich vor dem bescheiden got·
dc wen bitter ist disen kvmber fúrhte ich ane spot·
Swa zwei herzelieb gefrúndent sich·
vnd ir beider minne ein trúwe wirt·
die sol niemen scheiden dvnket mich·
aldie wile vnz si der tot verbirt·
wer dú rede min ich tete also·
verlure ich minen frúnt seht so wurde ich niemer mere fro·